surat na yuun dikha.e unhen baar baar chand — Javed Lakhnvi

"hai dilon ka vahi jo dana-e-tasbih ka haal yuun mile hain pa hain dar-asl juda ek se ek"

"un ko to sahl hai vo ghair ke ghar ja.enge ham jo us dar se uThenge to kidhar ja.enge"

"jis jagah jaa.en bana len tire vahshi sahra khaak le aa.e hain muTThi men bayabanon ki"

"abhi to aag siine men kahin kam hai kahin zaa.id agar mil pa.enge aapas men sab chhale to kya hoga"

"kahin aisa na ho mar ja.un main hasrat hi hasrat men jo lena ho to le lo sab se pahle imtihan mera"

"ye ik bose pe itni bahs ye zeba nahin tum ko nahin hai yaad mujh ko khair achchha le liya hoga"