puura karenge holi men kya vada-e-visal — Kalb

tiri tarif ho ai sahib-e-ausaf kya mumkin
zabanon se dahanon se takallum se bayanon se

— Kalb

ho ga.e raam jo tum ghair se a jan-e-jahan
jal rahi hai dil-e-pur-nur ki lanka dekho

— Kalb

chalti to hai par shokhi-e-raftar kahan hai
talvar men pazeb ki jhankar kahan hai

— Kalb

sabz kapDon men siyah-zulf ki zeba.i hai
dhaan ke khet men kya kaali ghaTa chha.i hai

— Kalb

hain diin ke paband na duniya ke muqayyad
kya ishq ne is bhul-bhulayyan se nikala

— Kalb

log kahte hain ki fann-e-sha.iri manhus hai
sher kahte kahte main deputy collector ho gaya

— Kalb