koi rasta kahin jaa.e to janen — Mahboob Khizan

haa.e phir fasl-e-bahar aa.i 'khizan'
kabhi marna kabhi jiina hai muhal

— Mahboob Khizan

tumhen khayal nahin kis tarah bata.en tumhen
ki saans chalti hai lekin udaas chalti hai

— Mahboob Khizan

ham aap qayamat se guzar kyuun nahin jaate
jiine ki shikayat hai to mar kyuun nahin jaate

— Mahboob Khizan

katrate hain bal khate hain ghabrate hain kyuun log
sardi hai to paani men utar kyuun nahin jaate

— Mahboob Khizan

ab yaad kabhi aa.e to a.ine se puchho
'mahbub-khizan' shaam ko ghar kyuun nahin jaate

— Mahboob Khizan

tumhare vaste sab kuchh hai mere banda-navaz
magar ye shart ki pahle pasand aao mujhe

— Mahboob Khizan