koi hamdard na hamdam na yagana apna — Mamnoon Nizamuddin

bura maniye mat mire dekhne se
tumhen haq ne aisa banaya to dekha

— Mamnoon Nizamuddin

guman na kyunki karun tujh pe dil churane ka
jhuka ke aankh sabab kya hai muskurane ka

— Mamnoon Nizamuddin

ye na jaana the ki us mahfil men dil rah ja.ega
ham ye samjhe the chale a.enge dam bhar dekh kar

— Mamnoon Nizamuddin

kal vasl men bhi niind na aa.i tamam shab
ek ek baat par thi laDa.i tamam shab

— Mamnoon Nizamuddin

khvab men bosa liya tha raat ba-lab-e-nazuki
sub.h dam dekha to us ke honTh pe but-khala tha

— Mamnoon Nizamuddin

tujhe naqsh-e-hasti miTaya to dekha
jo parda tha haa.il uThaya to dekha

— Mamnoon Nizamuddin