ham faramosh ki faramoshi — Mirza Zahirddin Azfari

kakul nahin laTakte kuchh un ki chhatiyon par
chaukan se ye khilanDre genden uchhalte hain

— Mirza Zahirddin Azfari

'azfari' ghuncha-e-dil band aur aa.i hai bahar
sair-e-gul ko ki ye shayad ba-takalluf khil le

— Mirza Zahirddin Azfari

o atarid zuhal-e-nahis se Tuk maang midad
bakht ka majra likhta huun siyahi dena

— Mirza Zahirddin Azfari

dhani juuDe pe tire sanvle main marta huun
mar bhi ja.un to kafan dekh ke kaahi dena

— Mirza Zahirddin Azfari

shitabi apne divane ko kar band
musalsal zulf se kar ya nazar-band

— Mirza Zahirddin Azfari

rafu jeb-e-majnun hua kab ai naseh
tu mar ja.ega us ke siite hi siite

— Mirza Zahirddin Azfari