dastak dene vaale tujh ko ilm nahin — Mohammad Mustahsan Jami

tiri lab-kusha.i pe munhasir miri zindagani hai dosta
tira bolna bhi qubul hai tiri khamushi bhi aziiz hai

— Mohammad Mustahsan Jami

siva.e is ke koi bhi masrufiyat nahin hai
main in dinon bas charagh taqsim kar raha huun

— Mohammad Mustahsan Jami

kya khabar thi ki mujhe is ne jakaD lena hai
main udasi pe bahut tanz kiya karta tha

— Mohammad Mustahsan Jami

tujh ko to mila vo bhi jo manga nahin tu ne
tu ne to kabhi khun-e-tamanna nahin dekha

— Mohammad Mustahsan Jami

ik karb ka mausam hai jo daa.im hai abhi tak
ik hijr ka qissa ki mukammal nahin hota

— Mohammad Mustahsan Jami

vo jalva-e-sad-rang men ik Dhang se nikla
jo misra tire sina-o-ahang se nikla

— Mohammad Mustahsan Jami