hazaron mai-kade sar par liye hain — Mubarak Azimabadi

kisi ki tamanna nikalti rahi
miri aarzu haath malti rahi

— Mubarak Azimabadi

asar ho ya na ho vaa.iz bayan men
magar chalti to hai teri zaban khuub

— Mubarak Azimabadi

qadam qadam pe ye kahti hui bahar aa.i
ki raah band thi jangal ki khol di main ne

— Mubarak Azimabadi

kis pe dil aaya kahan aaya bata ai naseh
tu miri tarah pareshan kahan jaata hai

— Mubarak Azimabadi

tauba ki rindon men gunja.ish kahan
jab ye aa.egi nikali ja.egi

— Mubarak Azimabadi

jo qayamat ka nahin din vo mira din kaisa
jo taDap kar na kaTi ho vo miri raat nahin

— Mubarak Azimabadi