shahr talab kare agar tum se ilaj-e-tiragi — Pirzada Qasim

ik saza aur asiron ko suna di jaa.e
ya.ani ab jurm-e-asiri ki saza di jaa.e

— Pirzada Qasim

tumhen jafa se na yuun baaz aana chahiye tha
abhi kuchh aur mira dil dukhana chahiye tha

— Pirzada Qasim

us ki khvahish hai ki ab log na ro.en na hansen
be-hisi vaqt ki avaz bana di jaa.e

— Pirzada Qasim

gham se bahal rahe hain aap aap bahut ajiib hain
dard men Dhal rahe hain aap aap bahut ajiib hain

— Pirzada Qasim

khuun se jab jala diya ek diya bujha hua
phir mujhe de diya gaya ek diya bujha hua

— Pirzada Qasim