ai mire charagar tire bas men nahin mo.amla — Saleem Kausar

qurbaten hote hue bhi faslon men qaid hain
kitni azadi se ham apni hadon men qaid hain

— Saleem Kausar

khamosh sahi markazi kirdar to ham the
phir kaise bhala teri kahani se nikalte

— Saleem Kausar

tu ne dekha nahin ik shakhs ke jaane se 'salim'
is bhare shahr ki jo shakl hui hai mujh men

— Saleem Kausar

main janta huun makinon ki khamushi ka sabab
makan se pahle dar-o-bam se mila huun main

— Saleem Kausar

kahani likhte hue dastan sunate hue
vo so gaya hai mujhe khvab se jagate hue

— Saleem Kausar

main khayal huun kisi aur ka mujhe sochta koi aur hai
sar-e-a.ina mira aks hai pas-e-a.ina koi aur hai

— Saleem Kausar