lamha itni gunja.ish rakhta hai khud men — Sarfraz Zahid

mohabbat aam sa ik vaqi.a tha
hamare saath pesh aane se pahle

— Sarfraz Zahid

aansu nahin bana so ham ne
ujlat men qahqaha banaya

— Sarfraz Zahid

gale lag kar ham us k khuub ro.e
khushi ik din mili thi raah chalte

— Sarfraz Zahid

saal guzar jaata hai saara
aur calender rah jaata hai

— Sarfraz Zahid

khiDki se jhank kar kisi ne
manzar ko vaqi.a banaya

— Sarfraz Zahid

kun.en ki samt bula le na koi khvab mujhe
main apne baap ka sab se hasin beTa huun

— Sarfraz Zahid