dil ki bisat kya thi nigah-e-jamal men — Seemab Akbarabadi

pareshan hone valon ko sukun kuchh mil bhi jaata hai
pareshan karne valon ki pareshani nahin jaati

— Seemab Akbarabadi

miri khamoshiyon par duniya mujh ko ta.an deti hai
ye kya jaane ki chup rah kar bhi ki jaati hain taqriren

— Seemab Akbarabadi

vo duniya thi jahan tum band karte the zaban meri
ye mahshar hai yahan sunni paDegi dastan meri

— Seemab Akbarabadi

markaz pe apne dhuup simaTti hai jis tarah
yuun rafta rafta tere qarib aa raha huun main

— Seemab Akbarabadi

khulus-e-dil se sajda ho to us sajde ka kya kahna
vahin ka.aba sarak aaya jabin ham ne jahan rakh di

— Seemab Akbarabadi

roz kahta huun ki ab un ko na dekhunga kabhi
rose us kuche men ik kaam nikal aata hai

— Seemab Akbarabadi