der se aa rahi hai yaad tiri — Sikandar Ali Wajd

"jaane vaale kabhi nahin aate jaane valon ki yaad aati hai"

"dil ki basti ajiib basti hai ye ujaDne ke baa'd basti hai"

"tamiz-e-khvab-o-haqiqat hai shart-e-bedari khayal-e-azmat-e-mazi ko chhoD haal ko dekh"

"bahar aa.e to khud hi laala o nargis bata denge khizan ke daur men dilkash gulistanon pe kya guzri"

"khuda shahid hai mere bhulne vaale ba-juz tere mujhe takhliq-e-alam ra.egan ma.alum hoti hai"

"ahl-e-himmat ko balaon pe hansi aati hai nang-e-hasti hai musibat men pareshan hona"