chand tinkon ki saliqe se agar tartib ho — Siraj Lakhnavi

jo ashk surkh hai nama-nigar hai dil ka
sukut-e-shab men likhe ja rahe hain afsane

— Siraj Lakhnavi

abhi rakkha rahne do taaq par yunhi aftab ka aa.ina
ki abhi to meri nigah men vahi mera mah-e-tamam hai

— Siraj Lakhnavi

jaan si shai ki mujhe ishq men kuchh qadr nahin
zindagi jaise kahin main ne paDi paa.i hai

— Siraj Lakhnavi

ye zamin khud ho jannaton ka suhag
yuun huun abad saare virane

— Siraj Lakhnavi

ek ek se bhiik ansuon ki maang raha huun
kis ne mujhe jhonka hai jahannam ki faza men

— Siraj Lakhnavi

sajda-e-ishq pe tanqid na kar ai vaa.iz
dekh mathe pe abhi chand numayan hoga

— Siraj Lakhnavi