boli lagi mata-e-hunar ki to ahl-e-fan — Syed Anwar Ahmad

is pal do pal ki hasti men
kya tera hai kya mera hai

— Syed Anwar Ahmad

in se avaz-e-karb aati hai
zard patton pe mat chale koi

— Syed Anwar Ahmad

vo mujh se puchhne laga mere saval ab
aur main bhi de raha huun jo is ke javab the

— Syed Anwar Ahmad

faqih-e-shahr se kuchh khaas dushmani to nahin
faqih-e-shahr se lekin Thani si rahti hai

— Syed Anwar Ahmad

apne liye bhi koi ri.ayat rava nahin
is munsifi ki khu ne to saffak kar diya

— Syed Anwar Ahmad

kuchh ma.arke hamare bhi ham tak hi rah ga.e
gumnam ik sipahi ki khidmat ki tarah

— Syed Anwar Ahmad