dasht-e-dil men kabhi ik naqa-savar aaya tha — Tasneem Abidi

ham ko khud men qiyam karna tha
varna raste paDe the qadmon men

— Tasneem Abidi

shahr-ashob men kirdar na.e hain lekin
ye kahani hamen pahle bhi suna.i ga.i hai

— Tasneem Abidi

is baar madine men hi dar aaya tha kuufa
is baar kiya ham ne safar aur tarah ka

— Tasneem Abidi

sub.h be-nur hai shaam be-kaif hai kaisi halat men hai mubtala zindagi
roz-o-shab men kahan lutf baaqi raha aise jiine men kya hai maza zindagi

— Tasneem Abidi

kuchh chandni udaas thi kuchh dil bhi tha udaas
kal raat karb-e-zat bhi had se siva hua

— Tasneem Abidi

khuda ke naam pe jis tarah log mar rahe hain
dua karo ki akela khuda na rah jaa.e

— Tasneem Abidi