Fidvi Dakni

جس کو لگیا اے شوخ تمارا ادھر لذیذ

جس کو لگیا اے شوخ تمارا ادھر لذیذ اس کوں ہوئی ہے تلخ جئے لگ شکر لذیذ پرتو پڑیا ہے قد کا تیرے اس سبب سیتے ہے نیشکر کا آج سراپا شجر لذیذ شیریں لباں یو جا کے زمیں میں سمائے کر اس فیض کے کدن سوں ہوا ہے ثمر لذیذ سایہ پڑے تو تجھ سے شکر لب کا شک نیں حنظل کا ہوئے تمام اگر بیخ و بر لذیذ مکھ کا طواف کر کے رکھیا خال پر ادھر ہے بس کہ یار بوسۂ اسود حجر لذیذ دلبر کا دیکھنے کا جسے عزم جزم ہے اس کوں بجائے مئے کے ہے خون جگر لذیذ کل رات مئے پیاسو اے فدویؔ وو گلغدار باقی رہیا انکھیاں منے اس کے اثر لذیذ

آج میرے پر یکایک فصل یزدانی ہوا

آج میرے پر یکایک فصل یزدانی ہوا ہم نظر میرے سوں میرا دلبر جانی ہوا دل اتھا افسردہ بے حد آے پر ہوئے یارتے خانۂ تاریک کوں شمع شبستانی ہوا کاں اتھی امید یوں آوے گا میرے برمنے شکر حق کا کیا کروں مج فتح اسمانی ہوا یاوری طالع کی میری دیکھ کر کہتے ہیں خلق یو سلیماں وقت ہور اسکندر ثانی ہوا ہجر میں تیرے جو مل کر خوں ہوا ہے دل تمام ہر انجھو میرا اتا یاقوت رمانی ہوا پیار سوں جو ہات میرے سر اپر رکھے ہے دھن ووچ میرے حق میں بے شک تاج سلطانی ہوا دلبراں کن کیوں نہ تیرا ہوئے فدویؔ اعتبار داغ دل تجھ کوں دکھانے مہر دیوانی ہوا