Gawwasi Bedri

اے دل آرام میں جدھر جاؤں دل کوں تیریچ پاس دھر جاؤں نین کو فرش سرکوں کر کر پاؤں نت گلی میں تری گزر جاؤں جب توں پیوے شراب تب تیرے بیس انکھیاں میں جیوں نظر جاؤں جب ترے برہ کا بدل گرجے نیر ہو تب انکھیاں تھے جھر جاؤں حال یکساں نہیں کہ جیوں جمنا گہ بہوں پور گہہ اتر جاؤں پاک تیرا جمال دیکھوں تو سد بد چھوڑ بے خبر جاؤں

اے دل آرام میں جدھر جاؤں

پلا مد مست اے ساقی کہ منج عادت ہے پینے کا ہو سر خوش دور یکدھرتے کروں گا زنگ سینے کا بچن میری زباں کے آج تارے ہو نہ کیوں جھمکیں کہ ہے یوں چرخ زنگاری ورق میرے سفینے کا زمانے آج کے میں وو نگینہ بے بدل ہوں جو سلیماں باج قیمت کوئی نہ دیوے منج نگینے کا میرا جیو پیو ہے اس جیوں کوں بسروں کیوں کدھی بسروں تو مرجاؤں نہ پاوں ذوق جینے کا پدک ہے عین میرا نظم چندر سور کے گل کا جڑت ہے عین میرا شعر خوباں کے زرینے کا جکوئی عرفان کے صاحب سچے ہیں سوکتے ہیں یوں کہ یاں تو کوئی نئیں دستا غواصیؔ کے قرینے کا

پلا مد مست اے ساقی کہ منج عادت ہے پینے کا