Khalid Ansari

"zaalimon ki garm-baazaari ko ThanDaa kar diyaa vo 'azaab aayaa khudaa kaa sab ko sidhaa kar diyaa chand sikke mere kaase mein hiqaarat se gire bas isi ehsaas ne ghairat ko zinda kar diyaa shahr ki faaqa-kashi ne meri aankhein khol diin us ko gaanv ki zamin-daari ne andhaa kar diyaa bech Daalaa kis liye baazaar mein apnaa zamir kaun si laalach thi jis ne tujh ko murda kar diyaa barkatein bhi us ne bhejin ghar mein mehmaanon ke saath mukhtasar se rizq mein rab ne izaafa kar diyaa zulm ke qadmon pe jaa kar rakh diyaa munsif ne sar jhuuT ki 'azmat baDhaa di sach ko rusvaa kar diyaa"

"yahi sabab hai ki mujh par zavaal aayaa nahin haraam rizq kabhi zindagi mein khaayaa nahin miraa ye sar tiri vahdaaniyat kaa qaail thaa kaTaa diyaa kisi dahliz par jhukaayaa nahin main chaahtaa thaa mulaaqaat kar ke guzrungaa tiraa makaan miri rah-guzar mein aayaa nahin har ek tanz ko chup-chaap sah liyaa us ne sharif thaa vo kaminon se munh laDaayaa nahin bahut zahin samajhtaa thaa khud ko vo 'khaalid' kisi ne us ko kabhi aaina dikhaayaa nahin"