Kifayat Husain Awan

gumaan se koi kab kaa jaa chukaa hai

گماں سے کوئی کب کا جا چکا ہے مگر رخت سفر بکھرا پڑا ہے ترے آنگن میں ڈھولک بج رہی ہے مرا حیرت کدہ ویراں ہوا ہے مرے وجدان کی دلہن کہاں ہے یہ کنگن بازوؤں سے پوچھتا ہے لبوں کی تشنگی گر میں مٹاؤں تو دریا کا کنارہ ٹوٹتا ہے مری خلوت کا اندھیارا او جاناں تری چاہت کا جگنو ڈھونڈھتا ہے تری پائل کا گھنگرو اب بھی اکثر مرے خوابوں میں آ کر گونجتا ہے

niind aankhon se jaa chuki kab ki

نیند آنکھوں سے جا چکی کب کی رات یہ بھید پا چکی کب کی زندگی تو نے ہار جانا ہے تو ہمیں آزما چکی کب کی ہم پرانی ڈگر پہ قائم لوگ تو نئی رہ بنا چکی کب کی رات کے پاس کچھ نہیں باقی اک دیا تھا جلا چکی کب کی جس کو میں شعر شعر لکھتا ہوں میری غزلیں بھلا چکی کب کی اب تو بینائی بھی نہیں باقی آنکھ موتی گنوا چکی کب کی پکی سڑکوں تک آ گئے اعوانؔ گرد گاڑی اڑا چکی کب کی

tujhe kaise main baanhon mein sameTun

تجھے کیسے میں بانہوں میں سمیٹوں مرے ہاتھوں میں ساغر ڈولتا ہے جو پہنایا تجھے کنگن سنہرا کلائی میں تری کیوں گھومتا ہے غزل کے قافیے اب ناچتے ہیں ردیفوں میں ترا چرچا کیا ہے کسی کا لمس پی کر بھی کفایتؔ یہ من کا جام پیاسا رہ گیا ہے

mire ham-navaa mire ham-safar mire paas aa koi baat kar

مرے ہم نوا مرے ہم سفر مرے پاس آ کوئی بات کر مرے واسطے تو ہی معتبر مرے پاس آ کوئی بات کر مری خلوتوں کی سماعتیں تری گفتگو کو ترس گئیں مرے رتجگے ہیں عروج پر مرے پاس آ کوئی بات کر مرے گل ہیں مجھ سے خفا خفا مری نکہتیں ہیں نہاں نہاں میں اداس ہوں مرے دیدہ ور مرے پاس آ کوئی بات کر مرے جسم میں مری روح میں ہے ترے ہی دم سے یہ تازگی مرے پاس آ مرے چارہ گر مرے پاس آ کوئی بات کر میں نڈھال ہوں ترے ہجر میں مری چشم تر تری منتظر ہے یہ زندگی بڑی مختصر مرے پاس آ کوئی بات کر میں ہوں کرب میں میں ہوں جاں بہ لب مری تشنگی کو بجھا بھی دے کہ حلق مرا ہو ذرا سا تر مرے پاس آ کوئی بات کر مرے دل جگر ہوئے سوختہ مری روح بھی ہوئی مضطرب مرے حال زار پہ رحم کر مرے پاس آ کوئی بات کر