Mahmood Aamir

chhin kar khvaab mire meri talab puchhte hain

چھین کر خواب مرے میری طلب پوچھتے ہیں رات بھر نیند نہ آنے کا سبب پوچھتے ہیں بارشیں آنکھ کی معیوب نہ ہوتی ہوں کہیں عشق کا چل کسی اجڑے سے ادب پوچھتے ہیں تیرہ راتوں میں بھلا کیسے جیا جاتا ہے میرے قاتل بھی تو اب مجھ سے یہ ڈھب پوچھتے ہیں اپنے شجرے کو بھی ہم راہ لیے چل رسماً جنگ سے قبل یہاں نام و نسب پوچھتے ہیں چارہ سازوں نے تو اب سمت بدل لی عامرؔ آؤ بازار میں بکتے ہوئے لب پوچھتے ہیں

khush-jamaal aate aate aataa hai

خوش جمال آتے آتے آتا ہے بے مثال آتے آتے آتا ہے چاند خود وصل کی کرے خواہش یہ کمال آتے آتے آتا ہے روز دیدار یار ہو جس میں ایسا سال آتے آتے آتا ہے جو پری وش ہوں ان کے ہونٹوں پہ دل کا حال آتے آتے آتا ہے دل کی آوارگی پہ بھی عامرؔ اعتدال آتے آتے آتا ہے