Mateen Achalpuri

takhrib se taamir ke pahlu nikle

تخریب سے تعمیر کے پہلو نکلے ظلمات سے تنویر کے پہلو نکلے دروازے بھی روشن ہوئے پرتو سے ترے دیواروں سے تصویر کے پہلو نکلے خاموشی نے آواز اٹھائی آخر نم آنکھوں سے تقریر کے پہلو نکلے وہ جس پہ بسیرا کیا آزادی نے اس شاخ سے زنجیر کے پہلو نکلے محروم تبسم ہی رہا اپنا جہاں کیا روز و شب میرؔ کے پہلو نکلے دشمن کو کلیجے سے لگایا ہم نے تب قلب کی تسخیر کے پہلو نکلے جب ہو سکا شہزادۂ دل تخت نشیں تب عدل جہانگیر کے پہلو نکلے گزرا مرے الفاظ پہ تاروں کا گماں تاروں سے بھی تحریر کے پہلو نکلے