Zubaida Tahseen

chaandni raat hai taaron kaa jahaan hai ai dost

چاندنی رات ہے تاروں کا جہاں ہے اے دوست زندگی ساحل دریا پہ رواں ہے اے دوست اشک شوئی کے لئے اب بھی ہیں دامن لرزاں زندگی آج بھی اک خواب گراں ہے اے دوست اب بھی مایوس ہیں وابستۂ تقدیر ہیں دل اب بھی اٹھتا ہوا سینے سے دھواں ہے اے دوست کتنے بے رنگ سے خاکوں میں لہو بھرتی ہوں دل کی دھڑکن سے مرا رشتۂ جاں ہے اے دوست دل کے داغوں ہی سے تزئین گلستاں کی ہے قابل دید بہاروں کا سماں ہے اے دوست جبر کیا چیز ہے بے داد کی قیمت کیا ہے ذہن آزاد ہے احسان جواں ہے اے دوست دشت تو دشت تھا گلشن میں بھی وحشت سی ہے کارواں کون سی منزل میں رواں ہے اے دوست یہ نیا سال ہے نکھری ہوئی فکروں کا امیں یہی سرمایہ یہی گنج گراں ہے اے دوست