अमर बेलि बिनु मूल की, प्रतिपालत है ताहि — Rahim

अधम वचन काको फल्‍यो, बैठि ताड़ की छाँह
रहिमन काम न आय है, ये नीरस जग माँह

अरज गरज मानैं नहीं, रहिमन ए जन चारि
रिनिया, राजा, माँगता, काम आतुरी नारि

अब रहीम चुप करि रहउ, समुझि दिनन कर फेर
जब दिन नीके आइ हैं बनत न लगि है देर

अनुचित उचित रहीम लघु, क‍रहिं बड़ेन के जोर
ज्‍यों ससि के संजोग तें, पचवत आगि चकोर

अनकीन्‍हीं बातैं करै, सोवत जागे जोय
ताहि सिखाय जगायबो, रहिमन उचित न होय

जो घर ही में घुस रहे, कदली सुपत सुडील
तो रहीम तिनतें भले, पथ के अपत करील

दुख में सुमरिन सब करे, सुख में करे न कोय ।
जो सुख में सुमरिन करे, दुख काहे को होय

तिनका कबहुँ न निंदिये, जो पाँयन तर होय ।
कबहुँ उड़ आँखिन परे, पीर घनेरी होय

फूटी आँख विवेक की, लखे ना सन्त असन्त ।
जाके संग दस-बीस हैं, ताको नाम महन्त

हरि संगत शीतल भया, मिटी मोह की ताप ।
निशिवासर सुख निधि, लहा अन्न प्रगटा आप

दाया कौन पर कीजिये, का पर निर्दय होय ।
सांई के सब जीव है, कीरी कुंजर दोय

साँई आगे साँच है, साँई साँच सुहाय ।
चाहे बोले केस रख, चाहे घौंट भुण्डाय