sahn-e-ehsaas mein ik naqsh nihaan thaa pahle — Naz Qadri
"sahn-e-ehsaas mein ik naqsh nihaan thaa pahle tu nahin thaa tire hone kaa gumaan thaa pahle tah-ba-tah chaar su khush-rang sadaa raushan thi mujh se pahle bhi koi jaise yahaan thaa pahle vo bhi sahraa ki sadaaon mein giraftaar rahaa aur mujh mein bhi koi reg-e-ravaan thaa pahle vaqt ne kar diyaa patthar ki lahad mein tabdil apnaa chhoTaa saa jo miTTi kaa makaan thaa pahle ab to aaina-e-ehsaas hai be-aks-e-jamaal mujh se chhup kar bhi koi mujh pe ayaan thaa pahle vo nahin thaa to na thaa us ki zarurat kyaa thi apne hone kaa bhi ehsaas kahaan thaa pahle roz-o-shab sahte rahe TuTte lamhon kaa itaab koi khanjar saa qarib-e-rag-e-jaan thaa pahle aap ki ham-safari ne safar aasaan kiyaa varna har gaam yahaan koh-e-giraan thaa pahle khush-bayaani ne kisi ki mujhe khush-rang kiyaa apnaa kuchh aur hi andaaz-e-bayaan thaa pahle un se milte hi har ik gham se mili 'naaz' najaat zindagi kaa ye hasin chehra kahaan thaa pahle"
صحن احساس میں اک نقش نہاں تھا پہلے تو نہیں تھا ترے ہونے کا گماں تھا پہلے تہ بہ تہ چار سو خوش رنگ صدا روشن تھی مجھ سے پہلے بھی کوئی جیسے یہاں تھا پہلے وہ بھی صحرا کی صداؤں میں گرفتار رہا اور مجھ میں بھی کوئی ریگ رواں تھا پہلے وقت نے کر دیا پتھر کی لحد میں تبدیل اپنا چھوٹا سا جو مٹی کا مکاں تھا پہلے اب تو آئینۂ احساس ہے بے عکس جمال مجھ سے چھپ کر بھی کوئی مجھ پہ عیاں تھا پہلے وہ نہیں تھا تو نہ تھا اس کی ضرورت کیا تھی اپنے ہونے کا بھی احساس کہاں تھا پہلے روز و شب سہتے رہے ٹوٹتے لمحوں کا عتاب کوئی خنجر سا قریب رگ جاں تھا پہلے آپ کی ہم سفری نے سفر آسان کیا ورنہ ہر گام یہاں کوہ گراں تھا پہلے خوش بیانی نے کسی کی مجھے خوش رنگ کیا اپنا کچھ اور ہی انداز بیاں تھا پہلے ان سے ملتے ہی ہر اک غم سے ملی نازؔ نجات زندگی کا یہ حسیں چہرہ کہاں تھا پہلے
सहन-ए-एहसास में इक नक़्श निहाँ था पहले तू नहीं था तिरे होने का गुमाँ था पहले तह-ब-तह चार सू ख़ुश-रंग सदा रौशन थी मुझ से पहले भी कोई जैसे यहाँ था पहले वो भी सहरा की सदाओं में गिरफ़्तार रहा और मुझ में भी कोई रेग-ए-रवाँ था पहले वक़्त ने कर दिया पत्थर की लहद में तब्दील अपना छोटा सा जो मिट्टी का मकाँ था पहले अब तो आईना-ए-एहसास है बे-अक्स-ए-जमाल मुझ से छुप कर भी कोई मुझ पे अयाँ था पहले वो नहीं था तो न था उस की ज़रूरत क्या थी अपने होने का भी एहसास कहाँ था पहले रोज़-ओ-शब सहते रहे टूटते लम्हों का इताब कोई ख़ंजर सा क़रीब-ए-रग-ए-जाँ था पहले आप की हम-सफ़री ने सफ़र आसान किया वर्ना हर गाम यहाँ कोह-ए-गिराँ था पहले ख़ुश-बयानी ने किसी की मुझे ख़ुश-रंग किया अपना कुछ और ही अंदाज़-ए-बयाँ था पहले उन से मिलते ही हर इक ग़म से मिली 'नाज़' नजात ज़िंदगी का ये हसीं चेहरा कहाँ था पहले
