Sad

Dil dhoondta hai phir wahi fursat-e-shab-o-roz
Naaz uthana, naaz uthana, naaz uthana

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle

maiñ bhī ruk ruk ke na martā jo zabāñ ke badle
dashna ik tez sā hotā mire ġham-ḳhvār ke paas

baḌe baḌe ġham khaḌe hue the rasta roke rāhoñ meñ
chhoTī chhoTī ḳhushiyoñ se hī ham ne dil ko shaad kiyā

ḳhud apne se milne kā to yaarā na thā mujh meñ
maiñ bhiiḌ meñ gum ho ga.ī tanhā.ī ke Dar se

ham haal to kah sakte haiñ apnā pa kaheñ kyā
jab vo idhar aate haiñ to tanhā nahīñ aate

phir sar-e-sub.h kisī dard ke dar vā karne
dhaan ke khet se ik mauj-e-havā aa.ī hai

dil nā-umīd to nahīñ nākām hī to hai
lambī hai ġham kī shaam magar shaam hī to hai

kaan meñ hai tere motī āb-dār
yā kisī āshiq kā aañsū bolnā

ġham-e-firāq meñ taklīf-e-sair-e-bāġh na do
mujhe dimāġh nahīñ ḳhanda-hā-e-bejā kā

chalī samt-e-ġhaib siiñ kyā havā ki chaman zuhūr kā jal gayā
magar ek shāḳh-e-nihāl-e-ġham jise dil kaho so harī rahī

fazā udaas hai rut muzmahil hai maiñ chup huuñ
jo ho sake to chalā aa kisī kī ḳhātir tū

ab ḳhushī hai na koī dard rulāne vaalā
ham ne apnā liyā har rang zamāne vaalā

chamak hai dard hai kauñdan paḌī hai huuk uThtī hai
mire pahlū meñ kyuuñ yaaro ye dil hai yā ki phoḌā hai

ġham-e-duniyā bhī ġham-e-yār meñ shāmil kar lo
nashsha baḌhtā hai sharābeñ jo sharāboñ meñ mileñ

kis tarah apnī mohabbat kī maiñ takmīl karūñ
ġham-e-hastī bhī to shāmil hai ġham-e-yār ke saath

ho duur is tarah ki tirā ġham judā na ho
paas aa to yuuñ ki jaise kabhī tū milā na ho

ye kahāñ kī dostī hai ki bane haiñ dost nāseh
koī chārasāz hotā koī ġham-gusār hotā

mirī jaan aaj kā ġham na kar ki na jaane kātib-e-vaqt ne
kisī apne kal meñ bhī bhuul kar kahīñ likh rakhī hoñ masarrateñ

tanhā rahne meñ bhī koī uzr nahīñ hai
lekin us ke saath hī tanhā rah saktā huuñ