bas ik yahi to kharaabi hai us ki fitrat mein — Aadil Rahi

tishnagi aa tujhe dariyaa ke havaale kar duun
tujh ko is haal mein pyaasaa nahin dekhaa jaataa

— Aadil Rahi

tumhaare baad ye gham bhi uThaanaa paDtaa hai
khushi mile na mile muskuraanaa paDtaa hai

— Aadil Rahi

tum miraa naam-o-nasab puchh rahe ho sab se
ishq ho jaae to shajara nahin dekhaa jaataa

— Aadil Rahi

umr-bhar un se ta'alluq nahin TuuTaa kartaa
aise kuchh log hain jo dil mein utar jaate hain

— Aadil Rahi

unhein yaqin ki koi ranj-o-gham nahin mujh ko
mujhe bharam ki miraa masala samajhte hain

— Aadil Rahi

sab ko dil kaa raaz bataanaa Thiik nahin
duniyaa-daari duniyaa-daari hoti hai

— Aadil Rahi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

kaun suntaa hai bhikaari ki sadaaein is liye
kuchh zarifaana latife yaad kar lete hain ham

— Wamiq Jaunpuri

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

— Riyaz Khairabadi