jahaan apnaa qissa sunaanaa paDaa — Aasi Uldani

sabr par dil ko to aamaada kiyaa hai lekin
hosh uD jaate hain ab bhi tiri aavaaz ke saath

— Aasi Uldani

apni haalat kaa khud ehsaas nahin hai mujh ko
main ne auron se sunaa hai ki pareshaan huun main

— Aasi Uldani

kahte hain ki ummid pe jiitaa hai zamaana
vo kyaa kare jis ko koi ummid nahin ho

— Aasi Uldani

ishq paaband-e-vafaa hai na ki paaband-e-rusum
sar jhukaane ko nahin kahte hain sajda karnaa

— Aasi Uldani

betaab saa phirtaa hai kai roz se 'aasi'
bechaare ne phir tum ko kahin dekh liyaa hai

— Aasi Uldani

murattab kar gayaa ik ishq kaa qaanun duniyaa mein
vo divaane hain jo majnun ko divaana bataate hain

— Aasi Uldani

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha