ishq jaise kahin chhune se bhi lag jaataa ho — Aatif Waheed Yasir

rahzanon ke haath saaraa intizaam aayaa to kyaa
phir vafaa ke mujrmon mein meraa naam aayaa to kyaa

— Aatif Waheed Yasir

kis ke badan ki narmiyaan haathon ko gudgudaa gaiin
dasht-e-firaaq-e-yaar ko pahlu-e-yaar kar diyaa

— Aatif Waheed Yasir

miri raakh mein thiin kahin kahin mere ek khvaab ki kirchiyaan
mere jism-o-jaan mein chhupaa huaa tiri qurbaton kaa khayaal thaa

— Aatif Waheed Yasir

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal