kise dost apnaa banaaein ham kise dil kaa haal sunaaein ham — Abbas Dana

tum aake lauT gae phir bhi ho yahin maujud
tumhaare jism ki khushbu mire makaan mein hai

— Abbas Dana

taajjub kuchh nahin 'daanaa' jo baazaar-e-siyaasat mein
qalam bik jaaein to sach baat likhnaa chhoD dete hain

— Abbas Dana

ghar ki viraaniyaan le jaae churaa kar koi
isi ummid pe darvaaza khulaa rakkhaa hai

— Abbas Dana

apne hi khuun se is tarah adaavat mat kar
zinda rahnaa hai to saanson se baghaavat mat kar

— Abbas Dana

us se puchho azaab raston kaa
jis kaa saathi safar mein bichhDaa hai

— Abbas Dana

hai jism sakht magar dil bahut hi naazuk hai
ki jaise aaina mahfuz ik chaTTaan mein hai

— Abbas Dana

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi