hai jism sakht magar dil bahut hi naazuk hai — Abbas Dana

tum aake lauT gae phir bhi ho yahin maujud
tumhaare jism ki khushbu mire makaan mein hai

is se baDh kar tiri yaadon ki karun kyaa taazim
teri yaadon mein zamaane ko bhulaa rakkhaa hai

taajjub kuchh nahin 'daanaa' jo baazaar-e-siyaasat mein
qalam bik jaaein to sach baat likhnaa chhoD dete hain

ghar ki viraaniyaan le jaae churaa kar koi
isi ummid pe darvaaza khulaa rakkhaa hai

apne hi khuun se is tarah adaavat mat kar
zinda rahnaa hai to saanson se baghaavat mat kar

us se puchho azaab raston kaa
jis kaa saathi safar mein bichhDaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

baaton se sivaa hoti hai kuchh vahshat-e-dil aur
ahbaab pareshaan hain mire tarz-e-amal se

khudaa ne aaj tak us qaum ki haalat nahin badli
na ho jis ko khayaal aap apni haalat ke badalne kaa

ye alag baat ki vo dil se kisi aur kaa thaa
baat to us ne hamaari bhi ba-zaahir rakkhi

ilaaj-e-dil ke liye aur ab kahaan jaaein
tumhaare shahr mein sab kuchh milaa davaa ke sivaa