kab tak saath nibhaataa aakhir — Aftab Hussain

husn vaalon mein koi aisaa ho
jo mujhe mujh se churaa kar le jaae

kuchh rabt-e-khaas asl kaa zaahir ke saath hai
khushbu uDe to uDtaa hai phulon kaa rang bhi

so apne haath se diin bhi gayaa hai duniyaa bhi
ki ik sire ko pakaDte to dusraa jaataa

vo yuun milaa thaa ki jaise kabhi na bichhDegaa
vo yuun gayaa ki kabhi lauT kar nahin aayaa

haal hamaaraa puchhne vaale
kyaa batlaaein sab achchhaa hai

log kis kis tarah se zinda hain
hamein marne kaa bhi saliqa nahin