vaqt ki kokh mein sulagtaa saa — Aftab Shah

aap vaaqif hain mire dost hasin lafzon se
badle lahjon ki karaamaat kahaan jaante hain

— Aftab Shah

haath chehre pe lagaate hi vo ghabraa si gaiin
meri chikhon ke tabassum se milin jab baanhein

— Aftab Shah

ham to ik til pe hi bas khud ko fanaa kar baiThe
aur kitne hain jamaalaat kahaan jaante hain

— Aftab Shah

zinda logon ko nivaalon saa chabaane vaale
meri mayyat pe bhi aaeinge khudaa khair kare

— Aftab Shah

maang lete hain bharose pe ki vo de degaa
ham khataa-kaar munaajaat kahaan jaante hain

— Aftab Shah

likhvaa diye hain rab ko sabhi zaalimon ke naam
aaegi sab ki baari zaraa dekhte raho

— Aftab Shah

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi