rahti hai shab-o-roz mein baarish si tiri yaad — Afzaal Naveed

jang se jangal banaa jangal se main niklaa nahin
ho gayaa ojhal magar ojhal se main niklaa nahin

— Afzaal Naveed

ayyaam ke ghubaar se niklaa to der tak
main raaston ko dhuul banaa dekhtaa rahaa

— Afzaal Naveed

sahar ki guunj se aavaaza-e-jamaal huaa
so jaagtaa rahaa atraaf ko jagaae hue

— Afzaal Naveed

darvaaze the kuchh aur bhi darvaaze ke pichhe
barson pe gai baat mahinon se nikal kar

— Afzaal Naveed

kisi ko rashk aae kyuun na qismat par hamaari ab
ujaD aae hain har jaanib se basnaa rah gayaa baaqi

— Afzaal Naveed

kyaa jaane kis kaa haath mire haath aa gayaa
jis ki giraft chaahiye thi shal milaa mujhe

— Afzaal Naveed

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

ek parchhaain tasavvur ki mire saath rahe
main tujhe bhulun magar yaad mujhe tu aae

— Gulnar Aafreen

uThaa sakte nahin jab chuum kar hi chhoDnaa achchhaa
mohabbat kaa ye patthar is dafa bhaari ziyaada hai

— Zafar Iqbal