paamaal kar ke puchhte hain kis adaa se vo — Agha Shayar Qazalbash

pahle is mein ik adaa thi naaz thaa andaaz thaa
ruThnaa ab to tiri aadat mein shaamil ho gayaa

— Agha Shayar Qazalbash

milnaa na milnaa ye to muqaddar ki baat hai
tum khush raho raho mire pyaare jahaan kahin

— Agha Shayar Qazalbash

haalat pe meri un ke bhi aansu nikal paDe
dekhaa gayaa na yaas mein aalam nigaah kaa

— Agha Shayar Qazalbash

is liye kahte the dekhaa munh lagaane kaa maza
aaina ab aap kaa madd-e-muqaabil ho gayaa

— Agha Shayar Qazalbash

baDe sidhe-saadhe baDe bhole-bhaale
koi dekhe is vaqt chehraa tumhaaraa

— Agha Shayar Qazalbash

abru na sanvaaraa karo kaT jaaegi ungli
naadaan ho talvaar se khelaa nahin karte

— Agha Shayar Qazalbash

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

chaand ne taan li hai chaadar-e-abr
ab vo kapDe badal rahi hogi

— Jaun Elia

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri