baDe sidhe-saadhe baDe bhole-bhaale — Agha Shayar Qazalbash

kis tarah javaani mein chalun raah pe naaseh
ye umr hi aisi hai sujhaai nahin detaa

ik baat kahein tum se khafaa to nahin hoge
pahlu mein hamaare dil-e-muztar nahin miltaa

hamin hain maujib-e-baab-e-fasaahat hazrat-e-'shaair'
zamaana sikhtaa hai ham se ham vo dilli vaale hain

lo ham bataaein ghuncha-o-gul mein hai farq kyaa
ik baat hai kahi hui ik be-kahi hui

mire karim inaayat se teri kyaa na milaa
gunaah kar ke bhi be-muzad aab-o-daana milaa

kaleje mein hazaaron daagh dil mein hasratein laakhon
kamaai le chalaa huun saath apne zindagi bhar ki