saaqi ye khamoshi bhi to kuchh ghaur-talab hai — Ahmad Faraz

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

kisi ko ghar se nikalte hi mil gai manzil
koi hamaari tarah umr bhar safar mein rahaa

— Ahmad Faraz

jo ghair the vo isi baat par hamaare hue
ki ham se dost bahut be-khabar hamaare hue

— Ahmad Faraz

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

zakhm hi teraa muqaddar hain dil tujh ko kaun sambhaalegaa
ai mere bachpan ke saathi mere saath hi mar jaanaa

— Zeb Ghauri

sher to mujh se teri aankhein kahlaa leti hain
chup rahtaa huun main jab tak tahrik nahin hoti

— Zeb Ghauri

jo chaahte ho so kahte ho chup rahne ki lazzat kyaa jaano
ye raaz-e-mohabbat hai pyaare tum raaz-e-mohabbat kyaa jaano

— Aal

zabaan khaamosh maathe par shikan aankhon mein afsaane
koi samjhaae kyaa kahte hain is tarz-e-takallum ko

— Iqbal Azeem