raat yuuñ dil meñ tirī khoī huī yaad aa.ī — Faiz Ahmad Faiz

dil nā-umīd to nahīñ nākām hī to hai
lambī hai ġham kī shaam magar shaam hī to hai

kab Thahregā dard ai dil kab raat basar hogī
sunte the vo ā.eñge sunte the sahar hogī

haañ nukta-varo laao lab-o-dil kī gavāhī
haañ naġhmagaro sāz-e-sadā kyuuñ nahīñ dete

na jaane kis liye ummīd-vār baiThā huuñ
ik aisī raah pe jo terī rahguzar bhī nahīñ

jo talab pe ahd-e-vafā kiyā to vo ābrū-e-vafā ga.ī
sar-e-ām jab hue mudda.ī to savāb-e-sidq-o-vafā gayā

jāntā hai ki vo na ā.eñge
phir bhī masrūf-e-intizār hai dil

kitne nādāñ haiñ tire bhūlne vaale ki tujhe
yaad karne ke liye umr paḌī ho jaise

sunā hai vo mire baare meñ sochtā hai bahut
ḳhabar to hai hī magar mo'tabar zyāda nahīñ

zamāna saḳht kam-āzār hai ba-jān-e-asad
vagarna ham to tavaqqo zyāda rakhte haiñ

is zindagī meñ itnī farāġhat kise nasīb
itnā na yaad aa ki tujhe bhuul jaa.eñ ham

maiñ ne majnūñ pe laḌakpan meñ 'asad'
sang uThāyā thā ki sar yaad aayā

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā