koi to dasht samundar mein Dhal gayaa aakhir — Ahmad Khayal

tu jo ye jaan hatheli pe liye phirtaa hai
teraa kirdaar kahaani se nikal saktaa hai

— Ahmad Khayal

mahakte phuul sitaare damaktaa chaand dhanak
tire jamaal se kitnon ne istifaada kyaa

— Ahmad Khayal

ye bhi ejaaz mujhe ishq ne bakhshaa thaa kabhi
us ki aavaaz se main diip jalaa saktaa thaa

— Ahmad Khayal

havaa ke haath pe chhaale hain aaj tak maujud
mire charaagh ki lau mein kamaal aisaa thaa

— Ahmad Khayal

ye bhi tiri shikast nahin hai to aur kyaa
jaisaa tu chaahtaa thaa main vaisaa nahin banaa

— Ahmad Khayal

kisi darvesh ke hujre se abhi aayaa huun
so tire hukm ki taamil nahin karni mujhe

— Ahmad Khayal

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

— Zehra Nigaah

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

pyaasaa mat jalaa saaqi mujhe garmi siin hijraan ki
shitaabi laa sharaab-e-khaam ham ne dil ko bhunaa hai

— Abdul Wahab Yakro