ye amiri bhi hai gharibi bhi — Ahmad Muaz

koi fursat se mujh ko dekhtaa aur
main apne kaam mein mashghul hotaa

— Ahmad Muaz

vo bhi tere hain muntakhab-karda
jo tiraa intikhaab karte hain

— Ahmad Muaz

main rizq-e-mohabbat huun so baTtaa huun baraabar
jitnaa bhi kisi kaa huun main utnaa huun tumhaaraa

— Ahmad Muaz

tire pichhe musalsal bhaagne se
miri raftaar achchhi ho gai hai

— Ahmad Muaz

tum to ye bataa deti ho itni huun tumhaari
main sochtaa rahtaa huun ki kitnaa huun tumhaaraa

— Ahmad Muaz

mujh ko iflaas ke ruThe hue maathe ki qasam
bakht mein likkhi gai ne'mat-e-avval tum ho

— Ahmad Muaz

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb