kise khabar thi khizaan qatl-e-aam kar degi — Ahmad Muneeb

udaasi muskuraati hai miyaan tab sher hote hain
nami aankhon mein aati hai miyaan tab sher hote hain

— Ahmad Muneeb

kisi gaanv mein kachche ghar ki chhaanv mein koi Tahni
khushi se lahlahaati hai miyaan tab sher hote hain

— Ahmad Muneeb

baat kuchh yuun hai ki kal raat bhari mahfil mein
us kaa jab zikr huaa baat badal di main ne

— Ahmad Muneeb

suraj sitaare chaand falak kahkashaan zamin
bas ik nazar mein dekh liye aasmaan zamin

— Ahmad Muneeb

ashk bahne lag gae manzar nikharne lag gayaa
main tamaashaa ban gayaa aur ek khiDki khul gai

— Ahmad Muneeb

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

teraa ghar aur meraa jangal bhigtaa hai saath saath
aisi barsaatein ki baadal bhigtaa hai saath saath

— Parveen Shakir