ang ang se rang rang ke phuul baraste dekhe kaun — Ahmad Zafar

kaun Dubegaa kise paar utarnaa hai 'zafar'
faisla vaqt ke dariyaa mein utar kar hogaa

— Ahmad Zafar

jo reza reza nahin dil use nahin kahte
kahein na aaina us ko jo paara-paara nahin

— Ahmad Zafar

un se meri baat na puchh
un se meri an-ban hai

— Ahmad Zafar

main makin huun na makaan shahr-e-mohabbat kaa 'zafar'
dil musaafir na kisi ghair ke ghar jaaegaa

— Ahmad Zafar

kyuun tirgi se is qadar maanus huun 'zafar'
ik sham-e-rah-guzaar ki sahar tak jali bhi hai

— Ahmad Zafar

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

— Siraj Aurangabadi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi