jo reza reza nahin dil use nahin kahte — Ahmad Zafar

kaun Dubegaa kise paar utarnaa hai 'zafar'
faisla vaqt ke dariyaa mein utar kar hogaa

ang ang se rang rang ke phuul baraste dekhe kaun
rang rang se shole barse kaise barse soche kaun

un se meri baat na puchh
un se meri an-ban hai

main makin huun na makaan shahr-e-mohabbat kaa 'zafar'
dil musaafir na kisi ghair ke ghar jaaegaa

kyuun tirgi se is qadar maanus huun 'zafar'
ik sham-e-rah-guzaar ki sahar tak jali bhi hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aaj tujh yaad ne ai dilbar-e-shirin-harakaat
aah ko dil ke upar tesha-e-farhaad kiyaa

na ho kyuun shor dil ki baansuli mein
malaahat kaa salonaa kaan pahunchaa

chhal kapaT se ek raavan ki tarah
har kisi ke dil ko taDpaati to hai

kisi ke jaur-o-sitam kaa to ik bahaanaa thaa
hamaare dil ko bahar-haal TuuT jaanaa thaa