ishq rusvaa-kun-e-aalam vo hai 'ahsan' jis se — Ahsan Marahravi

ye sadma jiite ji dil se hamaare jaa nahin saktaa
unhein vo bhule baiThe hain jo un par marne vaale hain

— Ahsan Marahravi

mujhe khabar nahin gham kyaa hai aur khushi kyaa hai
ye zindagi ki hai surat to zindagi kyaa hai

— Ahsan Marahravi

jab mulaaqaat hui tum se to takraar hui
aise milne se to behtar hai judaa ho jaanaa

— Ahsan Marahravi

ek dil hai ek hasrat ek ham hain ek tum
itne gham kam hain jo koi aur gham paidaa karein

— Ahsan Marahravi

tamaam umr isi ranj mein tamaam hui
kabhi ye tum ne na puchaa tiri khushi kyaa hai

— Ahsan Marahravi

rok le ai zabt jo aansu ki chashm-e-tar mein hai
kuchh nahin bigDaa abhi tak ghar ki daulat ghar mein hai

— Ahsan Marahravi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

husn jalva dikhaa gayaa apnaa
ishq baiThaa rahaa udaas kahin

— Saifuddin Saif