vo din havaa hue vo zamaane guzar gae — Ajeet Singh Hasrat

pahle vaqton mein ho to ho shaayad
dosti ab hasin gaali hai

— Ajeet Singh Hasrat

abhi kuchh aur tiri justuju rulaaegi
abhi kuchh aur bhaTaknaa hai dar-ba-dar mujh ko

— Ajeet Singh Hasrat

aakhiri ummid bhi aankhon se chhalkaae hue
kaun si jaanib chale hain tere Thukraae hue

— Ajeet Singh Hasrat

hijr kaa din kyuun chaDhne paae
vasl ki shab tulaani kar do

— Ajeet Singh Hasrat

ban sanvar kar rahaa karo 'hasrat'
us ki paD jaae ik nazar shaayad

— Ajeet Singh Hasrat

ruThaa yaar manaanaa hai
koi svaang rachaao ab

— Ajeet Singh Hasrat

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid