ruThaa yaar manaanaa hai — Ajeet Singh Hasrat

ban sanvar kar rahaa karo 'hasrat'
us ki paD jaae ik nazar shaayad

bas ek hi balaa hai mohabbat kahein jise
vo paaniyon mein aag lagaati hai aaj bhi

vo din havaa hue vo zamaane guzar gae
bande kaa jab qayaam pari-zaadiyon mein thaa

guzre jidhar se nuur bikhere chale gae
vo ham-safar hue to andhere chale gae

hazaar chup sahi par us kaa boltaa chehra
khamosh rah ke hamein laa-javaab kar degaa

hijr kaa din kyuun chaDhne paae
vasl ki shab tulaani kar do

jab ki pahlu se yaar uThtaa hai
dard be-ikhtiyaar uThtaa hai

jo ghair the vo isi baat par hamaare hue
ki ham se dost bahut be-khabar hamaare hue

tamaam vahm o gumaan hai to ham bhi dhoka hain
isi khayaal se duniyaa ko main ne pyaar kiyaa

tiraa visaal baDi chiiz hai magar ai dost
visaal ko miri duniyaa-e-aarzu na banaa

gai thi kah ke main laati huun zulf-e-yaar ki bu
phiri to baad-e-sabaa kaa dimaagh bhi na milaa

dil ke aaine mein hai tasvir-e-yaar
jab zaraa gardan jhukaai dekh li