ye kaun tere sivaa kar sakaa udaas mujhe — Akash Arsh

sukhan-aabad mein saudaaiyon ki dhuum sahi
'mir'-ji she'r ke fan mein mire ustaad raho

— Akash Arsh

sab apni zaat mein ik anjuman ke mujrim hain
kisi vajud mein kuchh fard jaisaa hai hi nahin

— Akash Arsh

kisi parind ki chikhon ne sang-baari ki
sukut-e-shaam kaa shisha bikhar gayaa mujh mein

— Akash Arsh

har ek samt tiri yaad kaa dhundalkaa hai
tire khayaal kaa suraj utar gayaa mujh mein

— Akash Arsh

main khud ko dekhtaa huun aur bhi hiqaarat se
jab apnaa martaba taslim karne lagtaa huun

— Akash Arsh

baiThaa huaa huun lag ke dariche se mahv-e-yaas
ye shaam aaj mere baraabar udaas hai

— Akash Arsh

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi