jab aa rahi hain bahaarein liye payaam-e-junun — Akbar Ali Khan Arshi Zadah

suraahi-e-mai-e-naab-o-safina-haa-e-ghazal
ye harf-e-husn-e-muqaddar likhaa hai kis ke liye

— Akbar Ali Khan Arshi Zadah

laao ik lamhe ko apne-aap mein Duub ke dekh aauun
khud mujh mein hi meraa khudaa ho ye bhi to ho saktaa hai

— Akbar Ali Khan Arshi Zadah

isi talaash mein pahunchaa huun ishq tak tere
ki is havaale se paa jaaun main davaam apnaa

— Akbar Ali Khan Arshi Zadah

mere tasavvur ne bakhshi hai tanhaai ko bhi ik mahfil
tu mahfil mahfil tanhaa ho ye bhi to ho saktaa hai

— Akbar Ali Khan Arshi Zadah

ye ik savaal hai shikva nahin gila bhi nahin
mire khudaa tiraa lutf-o-ataa hai kis ke liye

— Akbar Ali Khan Arshi Zadah

yaad ban ke pahlu mein mausamon ke bistar par
karvaTein badalti hain mehrbaaniyaan saari

— Akbar Ali Khan Arshi Zadah

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi