koi naadida ungli uTh rahi hai — Akbar Hameedi

kahin to harf-e-aakhir huun main 'akbar'
kisi kaa nuqta-e-aaghaaz huun main

— Akbar Hameedi

go raahzan kaa vaar bhi kuchh kam na thaa magar
jo vaar kaargar huaa vo rahnumaa kaa thaa

— Akbar Hameedi

kitnaa maan gumaan hai dene vaale ko
dard diyaa hai aur mudaavaa rok liyaa

— Akbar Hameedi

raat din phir rahaa huun galiyon mein
meraa ik shakhs kho gayaa hai yahaan

— Akbar Hameedi

hu-ba-hu aap hi ki murat hai
zindagi kitni khub-surat hai

— Akbar Hameedi

libaas mein hai vo tarz-e-tapaak-e-aaraaish
jo ang chaahe chhupaanaa jhalak jhalak jaae

— Akbar Hameedi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa

— Allama Iqbal