aastaanon ki qadam-bosi mein pinhaan khun-e-sar — Akhlaq Ahmad Ahan

zo'm-e-tuqaa hijaab-e-tazaahur nifaaq kaa
har jaa raqam hai is mein bhi izn o qum-e-darogh

— Akhlaq Ahmad Ahan

ai jamaal-e-be-badal lekin adaa mein be-rukhi
ho gaiin sadiyaan ki chashm-e-tishna teri muntazir

— Akhlaq Ahmad Ahan

zaat-e-khaaKi ki tahon mein khufta hain anvaa’-e-khaak
rang-haa-e-tah-ba-tah kaa pech-o-kham kuchh aur hai

— Akhlaq Ahmad Ahan

luTaa ye kaarvaan kab kaa na jaane kaun thi manzil
magar ahbaab ab bhi zo'm-e-chughtaai mein jiite hain

— Akhlaq Ahmad Ahan

ye kaisi jagah hai ki dil kho rahaa hai
bayaabaan hai sahraa hai gulshan hai kyaa hai

— Akhlaq Ahmad Ahan

sitaaron ki gardish dilon kaa bichhaDnaa
ye kaise khudaa ki hai kaisi khudaai

— Akhlaq Ahmad Ahan

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

dil ki zakhmon ko kiyaa kartaa hai taaza har-dam
phir sitam ye hai ki rone bhi nahin detaa hai

— Zafar Anwar

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

— Siraj Aurangabadi

mujh tak kab un ki bazm mein aataa thaa daur-e-jaam
saaqi ne kuchh milaa na diyaa ho sharaab mein

— Mirza Ghalib