kuchh mujhe bhi yahaan qaraar nahin — Akhtar Hoshiyarpuri

log nazron ko bhi paDh lete hain
apni aankhon ko jhukaae rakhnaa

— Akhtar Hoshiyarpuri

chaman ke rang-o-bu ne is qadar dhokaa diyaa mujh ko
ki main ne shauq-e-gul-bosi mein kaanTon par zabaan rakh di

— Akhtar Hoshiyarpuri

Takraa ke sar ko apnaa lahu aap chaaTte
achchhaa huaa ki dasht mein divaar-o-dar na the

— Akhtar Hoshiyarpuri

baarhaa ThiThkaa huun khud bhi apnaa saaya dekh kar
log bhi katraae kyaa kyaa mujh ko tanhaa dekh kar

— Akhtar Hoshiyarpuri

nikal kar aa gae hain jangalon mein
makaan ko laa-makaan karnaa paDaa hai

— Akhtar Hoshiyarpuri

main apni zaat ki tashrih kartaa phirtaa thaa
na jaane phir kahaan aavaaz kho gai meri

— Akhtar Hoshiyarpuri

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq